Bukatzeko topaketak eman duenaren balorazio
orokorra egitea eskatu zaie partaideei.
Iñigo Landa (AHM): “Harreman pertsonala sortu
dugu eta oso aberasgarria izan da. Auzolanaren gaia interesatzen zaigu”.
Mikel Leoz (Albaola): “Eskertzekoa izan da iniziatiba; aurrerantzean ekimen bat
buruan dugunean badakigu beste elkarte batzuetara jo dezakegula. Izan ere,
elkarte bakoitzak gauza batzuk oso ondo egiten ditu eta beste batzuk oso
gaizki. Auzolanari balioa eman behar zaio; ohitura hori galdu dugu, beste
herrialde batzuetan askoz garrantzi handiagoa ematen diote elkarte bateko kide
izateari”.
Jon Piñeiro eta Haizea Legorburu (Bixi-bixi) “Lehen harria jartzearen parekoa izan da topaketa, eta hainbat elkarte ezagutu ditugu, badugu beraien berri geroan landu daitezkeen proiektuei begira. Gizartean gaude eta bakoitza ezin da bere elkartera mugatu”.
Jabi Zubizarreta (Antxotarrok) "Bazirudien bakarrik geundela munduan, baina ez; badakigu badaudela ‘bixkiak’ diren batzuk. Besteen beharra dugu eta besteek ere gure beharra dute”.
Javi Castro eta Lourdes (Deba Kultur Taldea) Hedapena oso garrantzitsua da une
honetan. Jendeak gure ekimenetan parte hartzea kosta egiten zaigu, jendearekin
harremanean nola jarri, horretan asmatzea da gakoa. AHM zoriondu eta beste
elkarteei 25 urte betetzeko bidean tinko eusteko animatu nahi ditugu.
Felipe Dominguez (Fato Cultural Galego) “Guztion batura nabarmenduko genuke
guk. Ez da talde solte bat; talde batzuk egon badaude. Nork bere ondarearen
zati bat galtzen duen bakoitzean denok galtzen dugu zerbait”
Aitor
Basurto (Gorga Añorgako Historia Mintegia) eta Xavier Cabezon (Leizaran):
“Denoi eskerrak ematea baino ez zaigu geratzen”.
Lekukoa
hartzearen gaia ere aipatu zen, ‘relevo generacional’ alegia. Oro har, hauxe da
giltzarrea: elkarteak ezin dira jendearen zain geratu; jendearengana joan
beharra dago; jendea ekintzetan parte hartzera etor dadin lan egin behar da.
